((((( بحبها. ))))
الشاعر / حسن سعيد ابراهيم / يكتب
⭐⭐⭐
#بحبها
أنا الساكن فيها
رسمت صوره
بأسلوب يحليها
قالت عن نفسها
كتير كلام
حدود مني تحميها
وصفت الغرام بكلمه
علاقة إحترام
بينا نحافظ عليها
لبيت بإخلاص طلبها
كان وعدي التفاني
و بروحي أنا أفديها
مع الأيام كتير كلامها
حب و هيام
راحت روحي ليها
رغم الجفاء في غيابها
كلمه منها ترويني
و دواوين كنت برويها
حسيت روحي أنا جنتها
نزيف الشوق ينادي
و آهات روحي كانت تداويها
مهما تغيب ليها حجتها
لو جراحي تسعدها
أعيش مجروح و ربي يهنيها
قدر و نصيب في حياتها
مكتوب علينا
واللقاء يحييني و كمان يحييها
لكنها و لأنها النور يضويها
نبضاتها حروفي
قصائد شوق مني تناديها
مخدوع فيها زي البشر قلبها
لكنها غيرهم كتير
نقاء طاهر قلبها و الكادي زهرها
حتى الدموع على خدودها
لآلئ لها بريق
زي المايه صافيه في نهرها
لو بصيت مره في عيونها
تغيب عن دنياك
تقول يارب مني كمان تصونها
زي الملايكه كمان لها نور يخبيها
عيونك ما توصلها
غير لما تنوي هيا إنك تعيش جنبها
نفسي أعيش في أرض حدودها
طالب لجوء في حصنها
أو يحتويني بشوق لو مره حضنها
#بحبها
حسن سعيد ابراهيم
#نبض 💓 #يكتبه ✏️
جمهورية مصر العربيه
تعليقات
إرسال تعليق