((((( عشقت أشوفك )))))
الشاعرة / ساره مجدي / تكتب
⭐⭐⭐
عشقت أشوفك.
عشقت أشوفك جوه قلب مستخبي.
يكتب بيتين شعر في ورق بعدين يخبي.
بحب شكلك جوه حضن كبير لبابا.
أو جوه لحن جميل تغنيه الربابه.
وساعات اشوفك في عيون تلمع بضحكه.
لما تشوف حبيبها وتتكسف ليكون لمحها.
شكلك في قلبي البيت وهو الجو دافي.
تفيض عليهم يشربوا من شهد صافي.
عشقت اشوفك.
ساعة صلاة العيد.
في سلام بيحضن كل كف وايد.
او دبله حلوه منوره لحلم سعيد.
وحبيب بيكتب في الهوي حروف باسمك.
تلاقيه بيرسم بالحروف معالم لرسمك.
سكر تدوب جوه القلوب الله عليك.
دي ناس كتير بتعيش سنين وهيا بتدور عليك.
ساره مجدي
تعليقات
إرسال تعليق