( يا واخد م القمر ضيه )
الشاعر /جمال زكى عينر
يكتبـــــ
( يا واخد م القمر ضيه ) :
يا واخد م القمر ضيه
وخاطف م السما نجومه
لا انا طايلك ولا طايله
فايت لى ليله وهمومه
لفين رايح وفايتنى
ودنيتك لفين واخداك
وفين ما تروح انا برضه
على عهدى حعيش ذكراك
فاكر منى كده بتهرب
فاكر عنى كده بتبعد
ببعدك عنى بتقرب
عشان قلبك بدأ يعند
بدأ يعند ماهوش راضى
تكون الخصم والقاضى
مفيش انسان بدون اخطاء
مفيش حاضر بدون ماضى
حتبعد عنى وتجينى
حاسامحك وانت ترضينى
حتتندم وتتأسف
وتمسح دمعى من عينى
بقلمى الشاعر جمال زكى عينر
تعليقات
إرسال تعليق