(((( أيامك دى برجل. ))))
الشاعر / محمد مبارك / يكتب
⭐⭐⭐
(أيامك دى برجل)
كلمينى عن ماضيكى
وإفتحيلى الشوارع
قولى مين اللى شاريكى
وإشتكيلى م اللى بايع
أيامك دى برجل
بترسم دايره مقفوله
فطبيعى تعيد من الأول
وأخيره تصبح الأولى
شفت المشاهد ف الاعاده
كأنها المره الأولى
كنتى في مره كالعاده
متردده و مزهوله
قولتيلى مش ملاحظ
اننّا بنعيد الحكايات
واننا لما نبدأ خطوه
ننهيها بنفس البدايات
ونعيش من تانى رحله
أماكنها مجهوله
أيامك دي برجل
بترسم دايره مقفوله !!
✍️"محمد مبارك"
تعليقات
إرسال تعليق