((((( أهي عيشة ))))))
الشاعرة / هناء محمد / تكتب
⭐⭐⭐
خاطرة
بقلم هناء محمد.
أهي عيشة.
دنيا غريبة
دنيا مصالح
عايزة واحد
يعرف يناطح
فيها الظالم
صوته عالي
قالوا عليه إنه صالح
دنيا فيها الحق ضايع
و المظلوم فيها طالح
الفهلوي عايش ملوكي
أي كلمة دي فلوسي
و الشقيان مالوا مكان
و الغلبان بدوسه
الحرامي فيها عصامي
و الشريف مطبلاتي
واللي يملك عقل فيها
يقولوا عار
صاحب رزيلة
القيم فيها نايمة
و المبادئ ع السطح عايمة
و الدين موضة قديمة
و الجهل أصبح فضيلة
و النميمة دي حكاوي
و النصيحة دي فضيحة
و النفاق أصبح مجاملة
و الهدوء دي برود
و العصبية نخوة و رجولة
الصحاب غدر و خيانة
و الجيران عيون بصاصة
و العاقل معقول فيها
كبغل بيلف في طاحونة
تعليقات
إرسال تعليق