بيكذبونى
بيكذبونى
بقلم
=========== عونى هشام
صدقونى انى كاتب
كل حاجه عن الشمال
صدقونى كنت راسم
احلى ورده فى الجمال
ياما قلت الكدب عيبه
والنميمه تبقى غيبه
واللى بيخرب مصيبه
من هنا جانا السؤال
ليه كل حاجه بنفتى فيها
وكل دمعه نعيش عليها
الساعه تمشى ما احس بيها
حتى ظل الكلمه اصبح
كام عماره فى الخيال
كدبونى وصدقوه
كلنا بتقول ياهوه
الغنى خد كل حاجه
والفقير ما يوم شافوه
الحصانه بقت تجاره
وهيا منى مش لابوه
اللى صوت عيشته مره
واللى يرقص كرموه
الضمير سلعه رخيصه
وع الميزان بيقطعوه
نفسى يبقى العدل واحد
بالقانون ويطبقوه
ناس بتاخد بس تاخد
واللى يعطى يعذبوه
كدبوه وصدقوهم
لسه فاكر نفسه ابوهم
يناموا وبيسهر عليهم
واما كبروا صغروه
راحوا فى الطريق مخالف
والعقيده بقت سوالف
العقول فيها فكر تالف
ضاعوا هم وتوهوه
الحياة دى حاجه تانيه
واللى كان ضاع ف ثانيه
كل واحد قال يانفسى
طلعوا هم وغرقوه
صدقونى كدبونى
دى قضيه مش كلام
ان سكت يفضحونى
ان قلت هيكون الخصام
اعمل ايه الحاله صعبه
نفسى نور يمحى الظلام
دى بلدنا ياناس ياعالم
وهيا للعالم امام
والفساد مش بس عايش
زى بغل كبير وطايش
الفساد ان المواطن
فى القرار ما يبقى هامش
كذبونى
الخراب فى كل واسطه
ف كل رشوه ف كل حته
وهو بالافعال دى
بيساعد ف داعش
صدقونى انى مصرى
ان كان صعيدى او ف بحرى
بحب بلدى واخاف عليها
يمكن اكتر منكم
صدقونى ان ولدى
ع الحدود
سهران بيحمى عرضكم
صدقونى الشرطه ماشيه
ف كل شارع
شغلتها تحمى امنكم
وصدقونى
الدنيا حلوه وتبقى احلا
لوزرعنا الحب بينكم
نبقى فعلا يد واحده
وندعى ربى الله يعينكم
لكن احذر
مش هانعلا متر واحد
عشان الضمير راح بعيد
عن حيكم
حس انه ماعاد له لازمه
وكان بلازمه ف دمكم
صدقونى كدبونى
الحرج .......انا بشيله عنكم
الحرج ....... انا بشيله عنكم
===========
#عونى_هشام
تعليقات
إرسال تعليق