((( عشان إنسان )))

الشاعر/فيصل بدر
يكتبـــــ 
((( عشان إنسان )))

***************

كان عندنا ماكينة طحين

فيها القَـدُوس معْـوُوح

مكتوب على بابها

يا اللى ساكن دربنا

ممنوع تِـحِـس بجُوع

إحنا اللى موجود عندنا

سَبَع دكاكين

مكتوب على ابوابها 

الشُـكُك ممنوع

والشارع بِطُول السنين

فيه اللى ماشى مستور

وفيه اللى هيمُوت من الجوع

فيه سكه للسلامه

والابتسامه

وسكه اللى يسْلُـكها

مابيعرف امته الرجوع

يا طريق بيجمعنا

ضيّـك مالوش ألوان

مالوش عنوان

مالوش منبع

ولا فى السما جزرك أصيل

***

يا ضحكه خارجه

بعد ما انجرح الفؤاد

تايهه عن درب الهنا

وساكنه فى وش دبْـلان

ياحروف كلمتى المعدوده

يادموع هضمها الهم

والحزن غنوتها

يا سنين دنيتى المحدوده

***

دِلّـونى ع العنوان

دِلّـونى على قلبى اللى كان

دِلّـونى على سكة جُهَنّم

هيّى التمن

عشان إنسان

***

                شاعر القريه

                 فيصل بدر

تعليقات

المشاركات الشائعة من هذه المدونة

(((( أبت الحقارةُ أن تفارِقَ أهلها. ))))

يا من تراقبني بصمت

((((( قلت لأحلامي تعالي فتعالت. ))))