((((( من بمن ولمن. )))))
🎀🎀🎀
من بمن ولمن
======== عونى هشام
من يسوق من
من يحرس بمن
من يطعن لمن
من ومن والف من
جفت الاحبار
نسيت ارسم وطن
مبن فينا باله خالى
زمن الرخيص غالى
دا الميه نازله لتحت
ما بتطلع العالى
وتهنا فيك يازمن
مين فينا بات مرتاح
ما انصبش يوم بجراح
دا الدمعه فى الافراح
نازله طوالى
وضميرنا ريحته بعفن
من ومن ومن
ماشيه مع الايام
مره شايفه بنور
وعشره جوه ظلام
واللى معاه الحق
هو اللى دفع التمن
لو كنا م المماليك
تجرى الجوارى عليك
وتنادى ليك شبيك
لكن الزمان ولى
واللص بقى مؤتمن
اه يا زمان العبر
فيك القطيع مش غنم
الغابه مأوى البشر
والديب بقى راعى
زودت فى اوجاعى
فى سوريا او فى اليمن
ناس ماليها الغش
بقى قصر بدل العش
وناس بتاكل مش
وحكامنا ما بتهش
وقع الذباب فى اللبن
خلاص معدش كلام
يعيش العم سام
ايديه ماسكه اللجام
بيمشى ويقول هش
وياخد ايجار السكن
من ومن ومن
العيب ماجاش فى الزمن
العيب على الكراس
ساب التاريخ ينداس
وزودوه بالفتن
====•••••••
#عونى_هشام
تعليقات
إرسال تعليق