🌙🌙بوحى يا عينى🌙🌙
الشاعر / فيصل بدر/ يكتب
⏳⏳⏳⏳
((( *** بوحى يا عينى *** )))
************************
اوعى تبُوحى يا عينى بدمعك
مهما تجُودى ما حدش سامعك
غير الليل وعزابه وأساه
يا ما قالولى يا قلبى انساه
***
اشهد يا زمان واشهدى يا ليالى
ع اللى ما فارق لحظه خيالى
واللى ما راحش فى يوم عن بالى
واهو من بعدُه اتغير حالى
***
والله ان ضاعت منى الدنيا
وعمرى فى وسط الاحزان تاه
لا افضل اقول اننى با اهواه
والله ما ها اقدر لحظه انساه
***
اوعى تبوحى يا عينى بدمعك
مهما تجودى ما حدش سامعك
***
هَجْر الاحباب كله عذاب
حتى ان كان الهجر عتاب
مين هيخش علينا الباب
بعد ما راح أغلى الاحباب
***
نار البُعد يا عينى كاويانى
وانا ما نسيت ازاى ينسانى
بُعد حبيبى يا عين بكانى
كان أهلى وكان كل زمانى
***
يا ما قالولى يا غالى انساك
طول العمر انا ها استناك
لِحَد ما يجى اليوم وهايجى
حتى فى قبرى أكيد ها القاك
***
بوحى ياروحى لقلبى بدمعك
وانا ها اتحمل وافضل اطاوعك
***********************
شاعر القريه
فيصل بدر
تعليقات
إرسال تعليق