(((( صورة سيلفى للبشر. ))))
*****
صورة سيلفى للبشر
*************
زى الهاموش
نفس الوشوش
فى صورة باهته
من غير رتوش
يارب سلم
يارب حوش
بجهل واصل منتهاه
عبدوا الحجر سموًه الاٍله
وما أختشوش
لكل حاكم طبلوا
فرعون وهتلر هللوا
ولا فرقوش
وإن قلنا صوت العقل قال
ما بيسمعوش
فاكرين فى ذل النفس طاعه
وإن قدروا يوم ما بيرحموش
عايشين فى وهم المصلحه
أما القيم مابيعرفوش
شايفين صورهم ف المرايه
ملايكه طاهرة مش وحوش
بس الحقيقه مهما تاهت
العدل باقى ماتخافوش
محمد عبد المنصف
تعليقات
إرسال تعليق