((( رحلة البحث عن الانسان )))

.....رحلة البحث عن الإنسان ....

تعالى يا صاحبي نبحث
....... ....فى دنيانا عن الإنسان
ونشوفه فين اختفى
................غايب عنا بقاله زمان
 رحت أسأل عليه فى سوريا
.............رجعت من هناك زعلان
قالوا دا راح اليمن
...............واليمن مفهشي أمان
وعلى صالح هناك إتقتل
................والحوثي جاله جنان
ونصر الله واقف بجيشه
...............منعه من دخول لبنان
سابها وراح العراق
.................شاف العذاب ألوان
غادرها للأقصى ماشي
...حافي القدم تايه بدون عنوان
شافه يهودي اختفى منه
............وراء صخرة فوق بركان
وف غفلة منهم هرب
.........حضر الصراع فى سودان
ومنها لليبيا انتقل
.............إتجددت جنبنا الأحزان
وارتمى على جحر داعش
...........عضه من جحرهم تعبان
رموه بينزف فى سينا قابله
...... شهيد حرس الحدود عرفان
قاله أهلا وسهلا بك
.....يا صاحبى فى جنة الرضوان
رد السلام وابتسم وقاله
......الكنانة وحشانى بقالها زمان
وكنت بادعى أموت فيها
........ وترتفع راسها كمان وكمان
وفى أرض سينا أندفن
.ولا إنى أعيش فى الجحورتعبان
 وصورتى تفضل عظيمة
....................جوه العيون وتبان
وفى طلعة الروح هتف
.......تحيا مصر واستشهدالإنسان
وبدمه على الرمل كاتب
.......يامصرغنى واعزفى الألحان
واحذرى يا عرين الأسود
.........من إللى اتربى فيك و خان
وختم رسالته بيا صاحبى
..............كفاك بحثا عن الإنسان
لأن دنيا بلون الدم تصيرغابة
.سكانها وحوش فى عالم النسيان
..............مع تحيات ...............
..........محمد جمال فايد............

......جمهورية مصر العربية.........

.كفر شبرا زنجى الباجور منوفية.