((( بين الحياه والموت )))

عمرو تمساح ابوسفيان
بين الحياه والموت
******

*
بين الحياه والموت
بتشدى انفاسك
وانا ابنك المغصوب
حبيت على راسك
رضيتى ليه بالذل
ومشيتى مش للكل
طب ليه رجعتى فى كﻻمك
ومين فينا بس اللى لامك
ياضفتين النيل ياغرقنين مواويل
 يشهد علينا البحر وليالى فيها سحر
ورجعتى تانى ف كﻻمك
بعد ما دوبت ف غرامك
بتبصى ليه للغريب وبتفرديله الطريق
يا ارضك السمره يا نجمه يا شجره
 ياترعه يا قمره يا شمسك الحلوه
يا حب قول للصحارى دنا فرشت رمالى
ونصبت فيكى خيامى بس انت مرضيتيش
انادى تقولى مفيش
بالرغم انى سهرت وحضنك بورد فرشت
ووقفت فى الزحمه من غير مقول كلمه
 تهت فيكى وف حواريكى
بنيتك ونديت عليكى
لكن انت مسمعتيش
ابص كأنى مفيش
وبرده روحتيله
وفى النهايه رماكى بين الحياه والموت

********

عمرو تمساح ابوسفيان