((( احتمال )))

اهداء خاص الى رابطة الكتاب العرب على الفيس بوك تعبيرا عن إمتنانى العميق للرابطه وأعضائها
***********
إحتمال

إنك تشوفى حبى ليكى
كلام جنان
أو تقولى دا شئ محال
أو خيال
بس قبل ما تحكمى
إدى نفسك فرصة
من غير إنفعال
خلينى أقولك ليه بحبك
ولهواكى القلب مال
**********
حسيت معاكى حنان وطيبه
ودلال ورقه وشوق حبيبه
وعيون سرحت فى حسنها
غار الجمال من وصفها
من نظرة واحده عشقتها
والبسمه قول أدمنتها
واسمع كلامك أقول نغم
والضحكه أه ااااااه منها
وتقولى ليه باهواكى ليه
بقى ده كلام
دا كفايه لمسه من ايديك
ساعة السلام
بالاقى نبض القلب زاد
ماعرفش كام
وتقولى ليه بأهواكى ليه
بقى ده سؤال

باعشق غزال

*********
محمد عبد المنصف