(((( هل اديت الرسالة.؟ ))))
الشاعر / عمر / بنحيدي / يكتب
*****
قصيدة زجلية: هل اديت الرسالة.؟
هل أديت الرسالة؟
سمع مني مسألة
قبل ما لعمر يتسالا١
عليك بالتقوى و الصلاة
ماشي اللباس والغوفالا ٢
أو كثرة القيل والقالا ٣
زول من عينيك اجلالة٤
بنادم سارح ك أغلالة٥
و لا ف. سوق الدلالة
اللي دارراسو ف .لجهالة
كي اللي دارو ف. نخالة
ينقبو الدجاج
يطيرو لعجاج
يرجع مهزلة.
تصير دموعو هطالة
على زمان مشا وسالا.
فازو به ناس الفوضالا .
عمل الخير فمن والى٦
ما تحقر حد.... .السوايع بدالة
شحال من ولي في دربالة٧
وشحال من فاسد متيك الحالة ٨.
الشرح:
١: ينتهي . ٢: تطويل الشعر. ٣:التبجج والنميمة. ٤:أزل و أحذف الغشاوة لزؤية واضحة.٥:اغلالة: الحلزون.٦:بدون تميبز.٧: شيخ يلبس لباسا مرقعا .٨؛ يرترتذي أفخر اللباس.
عمر بنحيدي 2/12/2018
تعليقات
إرسال تعليق