(((( شايفك انا قدام عينى. ))))
الشاعر / سعيد عباس الضو / يكتب
*****
شايفك انا قدام عينى
واقف متحير وبتسال
ايه خلاه يجى قدامى
وانا اصلى روحى
مهيش ناقصه
وطلعلى مين طيب فجأة
طلع احلامى المكبوتة
واخدنى لفوق أى روايه وحدوته
وبشوف عصافير عماله ب تطير
وبترمى جناحها ع التوته
واخدنى بعييييد
ولا كان م الناس ولا فتفوته
وأنا كنت معاه بستنى هواه
وبحسه كأنه موسيقى
لكن مظبوطه ع النوته
مكدبشى عليكوا ساعات
بستنى يقول حبه كلمات
رغم إنى من الأول عارفه
الوقت معاه بيعدى قوام
وانا كل شويه اتلكك وأقوله هنام
وهو كمان يلحقنى قوام
ويقول مانتش تنام
الوقت معاكى بيجرى قوام
وساعات كنت أفكر
ازاى أهرب
ماهو أصله كلامه يجيب
توهان
والقلب اهو كان عطشان
أصبح بستان
والروح اهى كانت محبوسه
تتمنى تقضى العمر معاه
واهو تنسى الجرح وتنسى الآه
وأتمنى أكمل عمرى معاه
ايه ذنبه وايه خلاه
يقرب من روحى الممسوسه
سعيد عباس الضو
تعليقات
إرسال تعليق