(((( تمللى ع المليان وع الفاضى. ))))
الشاعر / سعيد عباس الضو / يكتب
*****
تمللى ع المليان وع الفاضى
ب تعملى علي قلبى قاضى
ولو جيت فى مره أسألك
ب أخاف سؤالى يزعلك
وأضحك لك وانا راضى
ولما تنخدعى بضحكتى
واكتم في قلبى شكوتى
وإنتى ب تزيدى الآلام
وكتر الكلام على الفاضى
قاسيت من طول عنادك
وقلبى كان أمله ودادك
مجناش غير هجر وقسيه
أمتى تحسى ب فؤادى
انا قلبى عصفور صغير
ويدوب طالعله ريش
كان حلمه فسماكى يطير
ويهيم كما الدراويش
لو عاشقه ل لتغيير
في منهجك إنتى
جايز يكون عادى
لكن قلبى له قوانين
مش قابله للتغيير
القلب له واحد
ساكن داخل جسدين
ما تجى نطوى الصحيفه
ونعيش كما الأحباب
ونسمع كلام النصيحه
ما الحب هجر وعذاب
ولو فى مره تمييلى
تلاقينى أسير بالباب
يا لحن عمرى الجميل
يانهر حاضن نخيل
ياحلم آخره سراب
سعيد عباس الضو
تعليقات
إرسال تعليق