(((( وقت_اكتئابك. ))))

الشاعرة/ أسماء محي الدين / تكتب

****

#وقت_اكتئابك

لما تبقى سعيد بتضحك

تلقى ١٠٠ انسان قصادك

واما تبقى الدنيا راضيه عنك

١٠٠٠ واحد يدق بابك

بس حاسب.... اوعى تفرح

لأن قلبك مالوهش مطرح

لو بس حزنك دق بابك

حتلاقي اقرب حد منك وقت حزنك

هو اول حد سابك

وتلاقي اكتر حد شيلته وقت وجعه

مش مستحمل اكتئابك

حتلقى نفسك فجأه وحدك

و قلب يسأل ... فين صحابك؟؟!!

واول ما ترجع دنيتك ليك تصالحك...

وتضحك ملامحك...

حتلاقي الف سؤال بريء...

كنت فين؟ وايه اللي صابك؟!!!

وعجبي!!!

#بقلمي_اسماء_محي_الدين