اسفه
يمكن صحيح انا جرحتك
يمكن كمان مكنش شوفتك
عارفه اني سيبتك
ف جراح وحيرة وكام سؤال
عارفه ان حزن قلبي طال
لكني أسفه
انا واحدة من دونيتها خايفه
قصة قديمه
سيبه جوه القلب ندبه
سيبه مشاعري مكسورة وعاجزه
مالكش ذنب ف اللي كان
والله عارفه
لكني اسفه
اسفه عشان
فاقدة احساس الامان
فاقده الثقه
وشيفاكوا زي اللي خان
اسفه عشان قلبي اللي كان
طيب برئ ايام زمان
بقى حديد
واحساسه حجر صوان
اسفه عشان
مش قادرة احس بأي شئ
والكل ف عيوني مدان
خوف قلبي بقى زي الطوفان
غرق مشاعري كلها
ف بحر ندم على اللي كان
اسفه عشان ماتت مشاعري
وروحي محبوسه بين الحيطان
#ياسمين عبود
تعليقات
إرسال تعليق