*** و فى لحظة كنت هضيع ***

 محمد ضباشة / يكتب

*****

وفي لحظة كنت هضيع
الشاعر محمد ضباشه
----------------
وفي لحظة كنت هضيع
مع قلــب عاش بيبيع
باع في حضني ربيع
وعـــيون كانت عاشقاه
خدني لســراب دنياه
قلبي بكي مــن الأه
كرهني أمشي معاه
لما بانت نواياه
أنا كنت فاكره ملاك
ما يرميني في بحر هلاك
دا أنا كنت بستناك
ونفرح سوي بلقياه
طلع غيام غدار
شراعه كاسات بمرار
والقلب قايد نار
غرقني يا أأأسفاه
وغمض عينيه عني
ولا حتي طمني
خدني بكذب الحب
والغدر بان جواه
قلبي أشتكي منه
وبعدت انا عنه
بعد ما كان في القلب
وعايم في بحر هواه
دبل في قلبي الشوق
ومهما يقول ما أروق
ما الحب طالع فوق
قام نزله وكواه
وبكرة بغيابي يدوق
اللي قدمه بيداه
وبكي عيون القلب
علي قلب خان الحب
رماه في أعمق جب
يجني وجع ليلاه