*** قصه بقصيده ***
جبر عبد الباقي / يكتب
****
قصه بقصيده
سهران مره كنت ب غربتي يا جار
شارد بامر الدني وعم راجع حسابي
شفيت كاس الضجر ولعت هالسيغار
من بعد رحلة سفر تا ريح عصابي
وطلت صبيه غار منها الغار
سبحان رب العطاها الحسن جذابي
وعاااا خصرها الزنار ولع نار
والشعر مثل الذهب والخد عنابي
وجابت الكرسي وقعدت معي عالبار
وقالت الي ما اشتقت عغيابي
تذكرت اني بهالعمر رافقتها مشوار
وتذكار خصلة شعر بقيت على تيابي
بغفله تركتا ورحت ولقيتها بالدار
دخلت بيتي انا وقفلت ابوابي
بسرعه قرار اخذت ما كنت محتار
حالف يمين قسمت ما بخون احبابي
صرخت وقالت الي شو جرى شو صار
بحبك انا يا ولف ما كنت كذابي
قلتلها روحي ولا تلعبي بالنار
مجوز انا يا بنت ما عدت عزابي
جبر عبد الباقي
تعليقات
إرسال تعليق