قلبي وعدني
د.خالد خربوش/يكتب....
*********************
أغنية { قلبي وعدني }
٠••••••••••••••••••••••••••••
قلبي وعدني
أحب وخدني
أتوه ويَّاه
واما ندهني
عشان يواجهني
سمعت نداه
٠•••••••••••••••••••••••••••
يومها صادفت
هواكي عرفت
السحر منين
وان غربني
الرمش وسابني
مااقولش انا فين
يبقى نعاهده
وهوَّ لواحده
ياخد مَجرَاه
قلبي وعدني
•••••••••••••••••••••••٠•••••
شوفت الليل
مع نن جميل
والدنيا سكون
أحلم فيه
أو ألمح بيه
أسرار الكون
والقى النظره
بـ رِقَّه محاذره
عيون كاشفاه
قلبي وعدني
٠•••••••••••••••••••••••
قلبي صَدَقْنِي
وجاي مبادئني
بـ أجمل قُوْل
أنا حبيت
وبجد ياريت
تهواه على طول
ماتخلِّيش
مع لحظة طيش
أحزان عارفاه
قلبي وعدني
………………………………………
الدكتور/خالد عبدالحميد خربوش
من ديواني المعنون:
{ إزاي يكون من غير سبب ؟ }
للدكتور/خالد عبدالحميد خربوش
ألحان الفنان/عماد حمدي
تعليقات
إرسال تعليق