قصيده بعنوان..... إصرخ
محمد ثروت عبد الحفيظ/يكتب.......
قصيده بعنوان..... إصرخ
اصرخ وقول ياقلم
صرخة بكاك مش عيب
إحكى عن اللى إتظلم
واللى عايشها غريب
انزف هموم دمعتك
احكى ظروف هدتك
من دنيا حالها عجيب
جوانا صرخة ألم
محتاجه ألف طبيب
سنين جراح وضني
أحلامنا متبعتره
ملينا م الترتيب
سهم الخيانه غلب
الحق منا إتسلب
والفضه زى الدهب
وضميرنا ف التغييب
أصرخ بعلو الصوت
خلى الاهات تموت
جوانا شيئ مكبوت
وأنت صراخك دوا
مفعوله مش بيخيب
أيام بتهد فينا
وإحنا صبرين عليها
لا راضيه تحس بينا
ولا بنصعب عليها
وشاكينا مهما شاكينا
وإحتار فينا الطبيب
وأما الميزان أتعوج
إبن الأصول إتحوج
سلم وعاش دنيته
وداق عذاب سكته
مبقاش يسانده حبيب
كلمات الشاعر محمد ثروت عبدالحفيظ
تعليقات
إرسال تعليق